Դեղամիջոցների եվրոպական գործակալությունը սկսել է «Спутник V»  պատվաստանյութի փորձաքննությունը, որը մշակվել է ՌԴ Նիկոլայ Գամալեայի անվան համաճարակաբանության և միկրոկենսաբանության ազգային կենտրոնի կողմից։ Այդ մասին նշվում է տարածված հաղորդագրության մեջ։ Փորձաքննությունը կիրականացվի «rolling review» մեթոդով, այսինքն փաստաթղթերի հետևողական քննությամբ։ 

Գործակալությունը կգնահատի «Спутник V» պատվաստանյութի համապատասխանությունը արդյունավետության, անվտանգության և որակի ԵՄ չափանիշներին։ «EMA-ն կգնահատի տվյալները, ըստ դրանց ստացման, որպեսզի որոշի, թե արդյոք օգուտները գերազանցում են ռիսկերին։ Փորձաքննությունը կշարունակվի այնքան ժամանակ, քանի դեռ բավարար ապացույցներ չեն ստացվել դեղամիջոցի գրանցման պաշտոնական հայտի համար»,- նշվում է տարածված հաղորդագրության մեջ։

Ինչպես նշվում է, «rolling review»-ն նորմատիվային գործիք է, որը կիրառվում է արտակարգ իրավիճակների ժամանակ առողջապահության ոլորտում հեռանկարային դեղորայքի արագացված գնահատման համար:

«Спутник V»-ն Ռուսաստանում գրանցված կորոնավիրուսի դեմ առաջին պատվաստանյութն է։ Ռուսաստանում այդ պատվաստանյութով զանգվածային պատվաստումներն սկսվել են 2020 թվականի դեկտեմբերից։ «Спутник V»-ն թույլատրվել է կիրառել աշխարհի 42 երկրներում, այդ թվում նաև Հայաստանում։

Լուսանկարը՝ РИА Новости / Владимир Трефилов