Բաղրամյան պողոտայում ընթացող՝ ընդդիմության այսօրվա հանրահավաքի ժամանակ «Հայրենիքի փրկության շարժման» առաջնորդ Վազգեն Մանուկյանը հանրահավաքի մասնակիցներին կոչ արեց փակել ԱԺ-ի մուտքերը, այդպիսով թույլ չտալ պատգամավորներին մտնել Ազգային ժողովի շենք։ Քաղաքացիները շարժվեցին դեպի Դեմիրճյան փողոց, որտեղ գտնվում է խորհրդարանի երկրորդ մուտքը, մի մասն էլ մնաց Բաղրամյան պողոտայում։ Դեմիրճյան փողոցում տեղի ունեցան բախումներ ոստիկանության և ցուցարարների միջև։ Ցուցարարները պատրաստվում են մնալ այդտեղ, որպեսզի վաղը պատգամավորները չկարողանան մուտք գործել խորհրդարան։ Ընդդիմության պահանջը նույնն է՝ վարչապետ Նիկոլ Փաշինյանի հրաժարականը։