![](/static/articles/01/28/41/l-D7S9SqluEA.jpg)
«Առավոտ». ադրբեջանցիների ոտնձգությունների պատճառով չեն կարողանում հողերը մշակել
Տավուշի մարզի Նոյեմբերյանի տարածաշրջանի սահմանամերձ Բերդավան գյուղի բնակիչներին, ովքեր սահմանին մոտ սեփականաշնորհված հողեր ունեն, հրավիրել են գյուղապետարան և պատվիրել ձեռնպահ մնալ իրենց հողամասերում աշխատելուց: Պատճառը երկյուղն է ադրբեջանական զինուժի ոտնձգություններից: Մինչդեռ հիմա գյուղատնտեսական աշխատանքների եռուն շրջան է:
Բերդավանի սահմանամերձ տարածքներում խաղողի այգիներ և վարելահողեր են: Բերդավանցիները «Առավոտի» թղթակցին ասացին, որ ադրբեջանցիների ոտնձգությունների պատճառով տարիներով անմշակ են մնացել «Ղաղրմա» տեղամասի խաղողի այգիները և վարելահողերը:
Բերդավանի գյուղապետ Արարատ Գաբրիելյանը հրաժարվեց խնդրի վերաբերյալ տեղեկատվություն տալ:
«Առավոտը» հիշեցնում է, որ մարտի 19-ին Բերդավանի պաշտպանական դիրքերում ադրբեջանցի դիպուկահարի կրակոցից զոհվեց գումարտակի հրամանատար, մայոր Արտակ Շահբազյանը:
Մեկնաբանել