Մարտի 12-ի երեկոյան Նկարիչների միության սրահում տեղի ունեցավ պատերազմում զոհված գեղանկարիչ Գոռ Հակոբյանի նկարների ցուցադրությունը։ 

Գոռ Հակոբյանը ծնվել է Լոռու մարզի Ջիլիզա գյուղում։ Գերազանցությամբ ավարտել է Վանաձորի մանկավարժական համալսարանի կերպարվեստի և գծագրության բաժինը։ Ուսումն ավարտելուց հետո մեկնել է ժամկետային զինծառայության, իսկ վերադառնալուց հետո ծառայության է անցել ԱԱԾ սահմանապահ զորքերում։

Նա զոհվել է նոյեմբերի 8-ին Կովսականում ԱԹՍ-ի հարվածից։ Գոռ Հակոբյանը 28 տարեկան էր։

«Հետքը» ներկայացնում է Գոռ Հակոբյանի նկարների ցուցադրության լուսանկարները։