![](/static/articles/12/85/13/l-IzoRxaKyfr.jpg)
ՏՀԶԿ նոր գլխավոր քարտուղար է ընտրվել Մաթիաս Քորմանը
Ավստրալիայի ֆինանսների նախկին նախարար Մաթիաս Քորմանը ընտրվել է Տնտեսական համագործակցության և զարգացման կազմակերպության նոր գլխավոր քարտուղար։ Այդ մասին նշվում է կազմակերպության տարածած հաղորդագրության մեջ։
Ընտրող հանձնաժողովի եզրափակիչ քվեարկության ժամանակ Քորմանը շրջանցել է շվեդ քաղաքական գործիչ Սեսիլիա Մալմստրյոմին, որը մինչև 2019 թվականը զբաղեցրել է առևտրի հարցերով եվրոկոմիսարի պաշտոնը։ Քորմանի թեկնածությունը դեռ պետք է հաստատի նաև ՏՀԶԿ խորհուրդը։
Կազմակերպության գլխավոր քարտուղարը ընտրվում է 5 տարի ժամկետով։ Մաթիաս Քորմանը իր պարտականությունների իրականացմանը կանցնի հունիսի 1-ից։ 50-ամյա Քորմանը 2013-2020 թվականներին գլխավորել է Ավստրալիայի ֆինանսների նախարարությունը։ ՏՀԶԿ-ն միավորում է տնտեսապես զարգացած 37 պետությունների, ներառյալ ԵՄ-ն, Մեծ Բրիտանիան և ԱՄՆ-ն։
Լուսանկարը՝ thenewdaily.com.au-ից
Մեկնաբանել