![](/static/articles/12/86/80/l-GaJVIli06T.jpg)
Առաջիկայում որոշում կհրապարակվի արտահերթ ընտրությունների օրվա մասին
«Իշխանությունն առաջիկայում պատրաստվում է գնալ արտահերթ ընտրությունների: Այդ մասին մեկ անգամ չէ, որ ասել ենք: Այսօր, վաղն արդեն, կարծում եմ, որոշում կհրապարակվի արտահերթ ընտրությունների օրվա հետ կապված»,- այս մասին լրագրողների հետ ճեպազրույցում հայտնեց Շրջակա միջավայրի նախարար Ռոմանոս Պետրոսյանը:
Ըստ նախարարի՝ սահմանադրական ճանապարհով իրավիճակի հանգուցալուծմանը գնալու իրենց որոշումը մնում է ուժի մեջ:
«Արտահերթ ընտրությունների հանրային պահանջը հանրությունը ընդդիմության մանդատով և բերանով չհնչեցրեց, բայց մենք քաղաքական պրոցեսները բացառապես սահմանադրական ճանապարհով հանգուցալուծումը տեսնում ենք միայն արտահերթ ընտրությունների միջոցով:
Չնայած խորհրդարանական և արտախորհրդարանական ընդդիմության՝ երկրի քաղաքական ճգնաժամն արտահերթ ընտրություններով հանգուցալուծելու մերժմանը՝ մեր գնահատականով, ճգնաժամը չէր հանգուցալուծվում: Պետք է արձանագրենք, որ ընդդիմության փողոցային պայքարն էլ որևէ էական նշանակություն չունեցավ, նաև մեր հանրության կողմից չողջունվեց»,- ասաց Ռոմանոս Պետրոսյանը:
Մեկնաբանել