![](/static/articles/01/28/80/l-exLPBo30Un.jpg)
«Առավոտ». «Կամ լավ, կամ ոչինչ»
Ապրիլի սկզբին «Առավոտը» պլանավորում էր հարցազրույց վերցնել Երևանի Բրյուսովի անվան լեզվաբանական համալսարանի ռեկտոր, պրոֆեսոր Սուրեն Զոլյանից: Առիթները երկուսն էին. նախ, լրանում է նրա պաշտոնավարման 15 տարին: Երկրորդ, վերջերս լույս է տեսել ՅՈւՆԵՍԿՕ-ի և համալսարանի համատեղ ժողովածուն՝ Higher Linguistic Education from the Perspenctive of Reforms, որի հիմքում էին Լեզվաբանական համալսարանում տեղի ունեցած միջազգային համաժողովի նյութերը, ու որն արդեն արժանացել էր մասնագետների բարձր գնահատականների:
Սակայն անցած շաբաթ առաջացավ հարցազրույցի ավելի հրատապ առիթ: ՀՀ կրթության և գիտության նախարար Արմեն Աշոտյանի հրամանով Սուրեն Զոլյանի նկատմամբ կիրառվել է «խիստ նկատողություն» կարգապահական տույժ՝ այն բանի համար, որ ռեկտորը, առանց նախարարության թույլտվության, բացակայել է Հայաստանից:
«Առավոտի» խնդրանքով մեկնաբանելով հրամանը՝ պարոն Զոլյանն ասաց. «Առհասարակ, ես ղեկավարվում եմ մի սկզբունքով. նախարարի մասին կամ լավ, կամ ոչինչ՝ հատկապես այն դեպքում, երբ նախարարը ոչնչություն է: Իսկ ինչքանով է դա կարող վերաբերվել գործող նախարարին, այդ մասին թույլ տվեք չմանրամասնել»:
Մեկնաբանել