Ապրիլի 2-ից 6-ն ընկած ժամանակահատվածում ՀՀ բնապահպանության նախարարության աշխատակազմի բնապահպանական պետական տեսչության իրականացրած ստուգումների, շրջայցերի ընթացքում հայտնաբերված խախտումների, նաև տարածքային բաժինների վարույթին հանձնած գործերի քննության արդյունքում ԲՊՏ-ն կայացրել է 350.0 հզ. դրամ ընդհանուր գումարով վարչական տուգանքի 6 որոշում և հաշվարկել է 296.1 հզ. դրամի չափով շրջակա միջավայրին հասցված վնաս: Մասնավորապես.

Բուսական աշխարհի պահպանության ոլորտ

Լոռու ՏԲ աշխատակիցների հայտնաբերած և Լոռու ՏԲ-ի վարույթին հանձնած ապօրինի հատված ծառերի համար կայացվել է 100.0 հազ. դրամ ընդհանուր գումարի վարչական տուգանքի 2 որոշում, և հաշվարկվել է 296.1 հազ. դրամի չափով շրջակա միջավայրին հասցված վնաս: Գեղարքունիքի ՏԲ-ի վարույթին հանձնված, ապօրինի ծառահատումների համար կայացվել է 100.0 հազ. դրամ ընդհանուր գումարի վարչական տուգանքի2 որոշում:

Կենդանական աշխարհի պահպանության ոլորտ

Գեղարքունիքի ՏԲ աշխատակիցների և ՀՀ ոստիկանության Գեղարքունիքի Մարտունու բաժնի հետ համատեղ հայտնաբերված խեցգետնի ապօրինի որսի գործով 1 ֆիզիկական անձի նկատմամբ կայացվել է 50.0 հազ. դրամի վարչական տուգանքի որոշում: Բռնագրավված 8.7 կգ խեցգետինը կենդանի վիճակում բաց է թողնվել Սևանա լիճ:

Փայտանյութի ապօրինի տեղափոխում

Լոռու ՏԲ աշխատակիցների իրականացրած շրջայցերի ընթացքում արձանագրված փայտանյութի ապօրինի տեղափոխման համար 1 ֆիզիկական անձի նկատմամբ կայացվել է 100.0 հազ. դրամի վարչական տուգանքի որոշում:

ՀՀ բնապահպանության նախարարության մամուլի ծառայությունը հայտնում է, որ նշված ժամանակահատվածում ԲՊՏ-ի կիրառված պատժամիջոցներից ՀՀ պետբյուջե է մուտքագրվել ընդհանուր առմամբ 1.79 մլն դրամ: