Այսօրվանից մեկնարկում է Սևանա լճում արդյունագործական ձկնորսության որսաշրջանի 2-րդ փուլի հայտերի ընդունումը։ Այս մասին տեղեկացնում է Շրջակա միջավայրի նախարարության տեղեկատվության եւ հասարակայնության հետ կապերի բաժինը։

«Հայաստանի Հանրապետության կառավարության 2020 թվականի սեպտեմբերի 29-ի «Սևանա լճի էկոհամակարգի վերականգնման, պահպանման, վերարտադրման և օգտագործման միջոցառումների 2021 թվականի տարեկան ծրագիրը հաստատելու մասին» N1603-Ն որոշման հավելվածով հաստատվել է 2021 թվականի համար Սևանա լճում սիգ ձկնատեսակի արդյունագործական որսի չափաքանակները:

Սևանա լճում սիգ ձկնատեսակի արդյունագործական նպատակներով որս իրականացնել ցանկացողները մինչև ս.թ. ապրիլի 8-ը ներառյալ պայմանագիր կնքելու մասին հայտերը կարող են ներկայացնել «Սևան» ազգային պարկ» ՊՈԱԿ և դրա մասնաճյուղեր:

Դիմումը և հայտը լրացնելու համար կարող եք անցնել հետևյալ հղմամբ»,- նշված է հաղորդագրության մեջ։