Մասնավոր կերպով պահպանվող Կովկասյան կենսաբազմազանության ապաստարանի տարածքում (CWR) կենդանիներն իրենց ապահովում են զգում, ինչի մասին վկայում են անտառապահների կողմից պարբերաբար նկարահանվող տարբեր կենդանատեսակները։ Այս մասին տեղեկացնում է Վայրի բնության և արժեքների պահպանման հիմնադրամը։

«CWR անտառապահ Մանուկ Մանուկյանի կողմից նկարահանված տեսանյութում կարծես բեմադրված է «մայրիկից առաջ չընկնել» տեսարանը։ 

Կովկասյան կենսաբազմազանության ապաստարանը հանդիսանում է մասնավոր պահպանվող գոտի, որտեղ անթույլատրելի է որսը, ինչպես նաև՝ բնության հանդեպ իրականացվող ցանկացած ապօրինություն։ Տարածքը մշտապես գտնվում է անտառապահների ու տեսախցիկների անմիջական ուշադրության և հսկողության տակ։ Այս է պատճառը, որ CWR տարածքում կարելի է հանդիպել տարատեսակ հազվագյուտ կենդանատեսակների։ Ապաստարանը կառավարվում է Վայրի բնության և մշակութային արժեքների պահպանման հիմնադրամի (FPWC) կողմից»,- նշված է հաղորդագրության մեջ: