Հայաստանի և Ադրբեջանի արտաքին գործերի նախարարները Լավրովին կհանդիպեն
Մոսկվայում նախատեսվում է Ռուսաստանի արտաքին գործերի նախարար Սերգեյ Լավրովի հանդիպումը Հայաստանի արտաքին գործերի նախարար Արա Այվազյանի և Ադրբեջանի արտաքին գործերի նախարար Ջեյհուն Բայրամովի հետ։ Այդ մասին ուրբաթ օրը՝ մարտի 26-ին կայացած ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
Նրա խոսքով՝ հանդիպումը կկայանա ԱՊՀ երկրների արտաքին գործերի նախարարների նիստի շրջանակներում, որը նախատեսված է ապրիլի 2-ին Մոսկվայում։
Զախարովան չի նշել, թե ինչ հարցեր կքննարկեն արտաքին գործերի նախարարները հանդիպումների ընթացքում։
Լուսանկարը՝ ՌԴ ԱԳՆ մամուլի ծառայության
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել