Հանրապետության տարածքում ապրիլի 12-ի ցերեկը, 16-ին, 17-ի ցերեկը առանձին շրջաններում, 13-14-ը գիշերը և կեսօրից հետո շրջանների զգալի մասում սպասվում է անձրև և ամպրոպ, ամպրոպի ժամանակ հնարավոր է քամու ուժգնացում` 15-20 մ/վ: Ապրիլի 15-ին սպասվում է առանց տեղումների եղանակ: Այս մասին տեղեկացնում է Շրջակա միջավայրի նախարարության «Հիդրոօդերևութաբանության և մոնիթորինգի կենտրոն» ՊՈԱԿ-ը:

Քամին՝ հյուսիս-արևմտյան՝ 5-10 մ/վ։

Օդի ջերմաստիճանն ապրիլի 15-17-ն աստիճանաբար կբարձրանա 4-6 աստիճանով:

Երևան քաղաքում ապրիլի 12-ի կեսօրից հետո քաղաքի առանձին հատվածներում, 13-ի կեսօրից հետո, 14-ի գիշերը սպասվում է անձրև և ամպրոպ: Ապրիլի 15-17-ը սպասվում է առանց տեղումների եղանակ: