HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Կայացավ «ՄԻՏՔ» ստարտափ ինկուբացիոն ծրագրի մրցութային փուլը

Ապրիլի 10–ին տեղի ունեցավ «ՄԻՏՔ» ստարտափ ինկուբացիոն ծրագրի մրցութային փուլը, որի ընթացքում ողջույնի խոսքով հանդես եկավ Բարձր տեխնոլոգիական արդյունաբերության նախարար Հայկ Չոբանյանը:

«Այսօր ձեզ տրված է բացառիկ հնարավորություն, ձեր գաղափարներն ու մտքերը ներկայացնելու, համոզելու դրանց հեռանկարի մեջ և կարողանալու ներդրումներ բերել այդ գաղափարի իրագործման համար: Ամեն ինչի կենտրոնում իհարկե կանգնած է միտքը, որը նաև ձեր այսօրվա միջոցառման կենտրոնական բառն է: Ցանկացած փոփոխություն, առաջընթաց, երազանք, հաղթանակ  նախևառաջ սկսում է մտքից»,- շեշտել է նախարարը:

Հայաստանի գիտության և տեխնոլոգիաների հիմնադրամի տնօրեն Արմեն Օրուջյանն իր ողջույնի խոսքի ժամանակ ընդգծեց որ սա մասնավոր ընկերության հետ առաջին նորարարական հարթակն է: Նա նաև շեշտեց համատեղ գործունեության կարևորությունը՝ երիտասարդ ձեռներեցների միտքը զարգացնելու հարցում:

«ՄԻՏՔ» ստարտափ ինկուբացիոն ծրագիրը նախատեսում է տասներկուշաբաթյա ինտենսիվ դասընթացներ գաղափարի փուլում գտնվող ստարտափ թիմերի համար: Այն իրականացնում է Դիջիթեյնը իր  ԴիջիՔաղաք նախագծի շրջանակներում և Հայաստանի գիտության և տեխնոլոգիաների հիմնադրամի հետ համատեղ: Ծրագիրը միտված է անհրաժեշտ ռեսուրսներով ապահովել տեխնոլոգիական գաղափարներ ունեցող ստարտափներին, որոնք առաջարկում են  նորարարական լուծումներ, որոնք էլ, իրենց հերթին, կզարգացնեն և կխթանեն Հայաստանի բարձր տեխնոլոգիական արդյունաբերության ոլորտը:  «ՄԻՏՔ» ինկուբացիոն ծրագիրը կիրականացվի Դիջիթեյնի գրասենյակում, որտեղ ստարտափ թիմերին  կտրամադրվեն աշխատասեղաններ և բարենպաստ աշխատանքային պայմաններ:

Տասներկուշաբաթյա ծրագիրը ներառում է հետևյալ փուլերը՝

  • Ծանոթացում
  • Հաճախորդների և շուկայի վերլուծություն
  • Նախատիպերի մշակում և զարգացում
  • Բիզնեսի զարգացում
  • Փիչինգ

Մրցույթի ժամանակ ելույթ ունեցան 35 դիմում ներկայացրած ստարտափ թիմերից հարցազրույցի փուլը անցած 13 թիմերը: Ստարտափ թիմերի գործունեության ոլորտները բազմազան էին՝ ֆինանսական տեխնոլոգիաներ, արհեստական բանականություն, առողջապահություն, տուրիզմ, գյուղատնտեսություն, AR/VR, ռազմարդյունաբերություն և այլն:

Հատկանշական է, որ «ՄԻՏՔ» ստարտափ ինկուբացիոն ծրագրին դիմել էին ստարտափ թիմեր նաև արտերկրից, ինչպես նաև Հայաստանի տարբեր մարզերից: Դիջիթեյնը կարևորում է մարզերի հզորացումը՝ նաև տեխնոլոգիաների միջոցով:

«ՄԻՏՔ» ինկուբացիոն նախագիծը ԴիջիՔաղաք նախագծի առաջին մեծ քայլն է իր մեծ նպատակին ծառայելու՝ զարգացնել Հայաստանի ստարտափ էկոհամակարգը և ստեղծել տեխնոլոգիական ձեռներեցների մեծ համայնք», ասեց Մարիամը, «ՄԻՏՔ» նախագծի պատասխանատուն:

Ժյուրիի քվեարկության արդյունքում ինկուբացիոն ծրագիր անցան 8 ստարտափ թիմեր: Ընտրված թիմերն են.՝ AR trails, Gabby, Armbionics, Axona, MedTech, Payman, Streameal և Prekog.ai։

«Մենք շատ ոգևորված ենք հեռանկարային թիմեր ընտրելու և իրենց լիարժեք ներուժը բացահայտելու և զարգացելու թե՛ տեղական, թե՛ միջազգային շուկաների համար: Ծրագիրը կնպաստի թիմերի՝ գաղափարը բիզնես վերածելու գործընթացում», - շեշտեց Աննան ՝ M1TQ ծրագրի համակարգողը:

Ինկուբացիայի ընթացքը կսկսվի Դիջիթեյնի գրասենյակում ապրիլի 20–ից:

 

Վճարովի բովանդակություն

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter