«Հունվար, փետրվար, մարտ ամիսներին տեսնում ենք տնտեսության կտրուկ վերականգնում, եթե այս տարին համեմատենք 2019 թվականի նկատմամբ, որը Հայաստանի տնտեսական ամենալավ տարին է եղել: 2021 թվականի մարտին նախորդ տարվա մարտի համեմատ, իմ հաշվարկով, 7-7,5 % տնտեսական աճ կլինի»,- լրագրողների հետ զրույցում հայտնեց Էկոնոմիկայի նախարարը:

Ըստ Քերոբյանի՝ 2020 թվականին Հայաստան է եկել մոտավորապես 375 800 զբոսաշրջիկ: Հիմնականում հունվար-փետրվար ամիսներին է եղել հոսքը։ «Այս տարվա մեր պլանը 1 մլն 200 հազ. տուրիստ է»,- ասաց նախարարը:

Անդրադառնալով գնաճին՝ Վահան Քերոբյանը նշեց, որ այն անխուսափելի է և կա գրեթե բոլոր երկրներում: 

«Օրինակ՝ Լարսի փակ լինելը հանգեցնում է գնաճի, աշխատում ենք ստեղծել այլընտրանք, որ Լարսն այլևս չփակվի: 2019-ի համեմատ միջին աշխատավարձն աճել է ավելի քան 10%-ով, իսկ գնաճն այդքան չի եղել: Մարդկանց վերջին երկու տարվա գրանցված եկամուտների աճն ավելի բարձր է, քան գնաճը»,- ասաց նախարարը: