Ապրիլ 16-ին Երևանի Հովհ. Շարամբեյանի անվան ժողովրդական ստեղծագործության կենտրոնի ցուցասրահում կբացվի գերմանական ժամանակակից գոբելենի «Call out Art» ցուցահանդեսը, որը կգործի մինչև ապրիլի 22-ը:

Գերմանիայի «Թալշտրասե» արվեստի միությունը կներկայացնի Սաքսոնիա-Անհալթ երկրամասի ժամանակակից արվեստագետների ավելի քան 15 մեծածավալ գոբելեն:

Ցուցադրությունը հայ հանդիսատեսին հնարավորություն կընձեռի ծանոթանալ Գերմանիայի գոբելենագործության հին ավանդույթներին:

ՀՀ մշակույթի նախարարության տեղեկացմամբ՝ ցուցահանդեսի բացմանը կմասնակցի տարածաշրջանային այցով Հայաստան ժամանած ԳԴՀ արտաքին գործերի պետնախարար Կորնելիա Փիփերը, ում այցին զուգընթաց էլ կներկայացվի ցուցադրությունը: