Ինչպես տեղեկացրել էինք, այսօր ԲՀԿ նախագահ Գագիկ Ծառուկյանը նախընտրական քարոզչության նպատակով այցելել էր Էջմիածին: Մինչ նրա գալը, պապիկները տեղ էին զբաղեցրել մոտակայքում գտնվող նստարանների վրա եւ խոսում էին քաղաքական թեմաներից:

Երբ փորձեցի խառնվել նրանց զրույցին, պապիկները տեղեկանալով, որ լրագրող եմ, անմիջապես սկսեցին թեման փոխել, իսկ նրանցից մեկը տեսախցիկի առջեւ խոսեց միայն իր անձի նկատմամբ անվտանգության երաշխիքներ պահանջելուց հետո. «Մի նկարի, կտան կսպանեն, կամ էլ` կգնդակահարեն»,-ասում էր նա: Հավաքվածները վերջինիս քաջալերեցին, ինչից հետո նա, այնուամենայնիվ, մի քանի խոսք ասաց:

Նշենք, որ Գագիկ Ծառուկյանի ելույթը լսելու համար Էջմիածնի հրապարակում հավաքված մարդիկ շատ զգուշավոր էին: Նրանք կամ ոչինչ չէին խոսում, ասելով` «շառ ու փորձանքից» հեռու, կամ էլ մի քանի կցկտուր բառ էին փոխանակում ու անմիջապես հեռանում: