Հայաստան է վերադարձել եւս երեք ռազմագերի
Բաքվից Երևան է տեղափոխվել 3 հայ ռազմագերի: Այս մասին հաղորդում է «Արմենպրես»-ը՝ հղում անելով փոխվարչապետի պաշտոնակատար Տիգրան Ավինյանի գրասենյակին։
Ըստ աղբյուրի՝ գերիներին տեղափոխող ինքնաթիռը վայրէջք է կատարել Երևանի «Էրեբունի» օդանավակայանում:
«ԵԱՀԿ Մինսկի խմբի համանախագահ երկրների ջանքերի արդյունքում և միջազգային հանրության օրեցօր աճող ճնշման պայմաններում Ադրբեջանը վերադարձրել է երեք հայ ռազմագերների: Լիահույս ենք, որ այս գործընթացը կունենա իր տրամաբանական շարունակությունն ու շուտափույթ ավարտը»,- «Արմենպրես»-ին ասել են Տիգրան Ավինյանի գրասենյակից:
Հիշեցնենք, որ մինչ այս Ադրբեջանից Հայաստան էր վերադարձել 69 հայ ռազմագերի եւ պահվող այլ անձինք: Այսպիսով, վերադարձածների թիվը դարձավ 72:
Լուսանկարը՝ արխիվային
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել