«Արմնյուզ» հ/ը տնօրեն Արտակ Ալեքսանյանը երեկ «epress.am»-ի թղթակցին հայտնել է, որ երկուշաբթի օրը իրենց եթերում Նիկոլ Փաշինյան-Ռուբեն Հայրապետյան բանավեճը չի կայանա, քանի դեռ չկա կողմերի փոխհամաձայնությունը: 

«Քանի որ Նիկոլ Փաշինյանն ինքն էր ցանկություն հայտնել բանավիճել Ռուբեն Հայրապետյանի եւ Սամվել Ալեքսանյանի հետ, սակայն այս պահի դրությամբ չկա վերջիններիս համաձայնությունը, հետեւաբար երկուշաբթի նման ձեւաչափով հաղորդում «Արմնյուզ»-ի եթերում չի լինելու»,- ասել է Արտակ Ալեքսանյանը:

«ՀԺ»-ն նշում է, սակայն, որ հ/ը տնօրենի ներկյացրածը մի փոքր շեղվում է իրականությունից: Սամվել Ալեքսնայնին Նիկոլ Փաշինյանն ինքն է հրավիրել բանավեճի: Սամվել Ալեքսանյանը դեռեւս չի պատասխանել այդ հրավերին: Ինչ վերաբերում է Ռուբեն Հայրապետյանին, վերջինս ինքն է ապրիլի 12-ի ասուլիսում պատրաստակամություն հայտնել բանավիճել Հայ ազգային կոնգրեսի առաջին տասնյակում ընդգրկված գործիչների հետ: Սրան ի պատասխան՝ Փաշինյանն ընդունել է այդ հրավերը, ինչը նշանակում է՝ առկա է կողմերի համաձայնությունը: Այնպես որ, երկուշաբթի օրվա ուղիղ եթերը մնում է ուժի մեջ. եզրափակում է «ՀԺ»-ն: