Պուտինն ու Էրդողանը քննարկել են արցախյան հակամարտության կարգավորումը
Ռուսաստանի նախագահ Վլադիմիր Պուտինը և Թուրքիայի նախագահ Ռեջեփ Թայիփ Էրդողանը չորեքշաբթի օրը՝ մայիսի 5-ին, հեռախոսազրույց են ունեցել, որտեղ քննարկել են արցախյան հակամարտության կարգավորումը, ներառյալ հրադադարի ռեժիմի պահպանման վերահսկողության ռուս-թուրքական միացյալ կենտրոնի աշխատանքը։ Այդ մասին հայտնել է Կրեմլի մամուլի ծառայությունը։
«Քննարկվել է ղարաբաղյան խնդրի կարգավորումը, այդ թվում հրադադարի ռեժիմի պահպանման վերահսկողության ռուս-թուրքական միացյալ կենտրոնի աշխատանքը՝ հակամարտության գոտում բոլոր ռազմական գործողությունների համատեքստում»,- նշվում է տարածված հաղորդագրության մեջ։
Երկու երկրների առաջնորդները քննարկել են նաև Լիբիայում և Սիրիայում առկա իրավիճակը, կորոնավիրուսի համավարակը, ինչպես նաև Թուրքիայում «Спутник V» ռուսական պատվաստանյութի հնարավոր արտադրության հարցը։
Լուսանկարը՝ ՌԴ նախագահի մամուլի ծառայության
Մեկնաբանել