2021 թվականի մայիսի 7-ից մինչև հուլիսի 31-ը ներառյալ տեղի կունենա արական սեռի այն քաղաքացիների շարքային կազմի պարտադիր զինվորական և այլընտրանքային ծառայությունների ամառային զորակոչը, որոնց 18 տարին լրանում է մինչև 2021 թվականի հունիսի 30-ը ներառյալ։ Որոշումն ընդունվել է Կառավարության մայիսի 6-ի նիստում չզեկուցվող հարցերի փաթեթով:

Բանակ կզորակոչվեն նաև այն քաղաքացիները, որոնց շարքային կազմի պարտադիր զինվորական ծառայության զորակոչից նախկինում տրված տարկետումը դադարում է մինչև 2021 թվականի հունիսի 30-ը ներառյալ:

Մինչև 2021 թվականի հուլիսի 31-ը ներառյալ կզորացրվեն օրենքով սահման­ված ժամկետում շարքային կազմի պարտադիր զինվորական կամ այլընտրանքային զինվորական ծա­ռա­յու­թյուն անցած զինծառայողներին:

2021 թվականի ամառային զորակոչից խուսափող Հայաստանի քաղաքա­ցիների տվյալները կուղարկվեն ոստիկանության համա­պա­տասխան կառուցվածքային ստորա­բաժանումներ, իսկ զորակոչի ավարտից հետո նրանց վերաբերյալ կազմված նյութերը՝ Քննչական կոմիտեի համապատասխան կայազորային քննչական բաժիններ։

Կառավարությունը Գլխավոր դատախազին կառաջարկի շարունա­կել զորակոչից խուսափող քաղաքացիների նկատմամբ օրենքով սահմանված կարգով քրեական հետապնդում հարուցելու, ինչպես նաև այդ բնույթի գործերով մինչդատական քրեական վարույթի օրինականության նկատմամբ հսկողություն իրականացնելու ուղղությամբ աշխատանքների կազմակերպումը: