Ռոբերտ Քոչարյանը կգլխավորի «Վերածնվող Հայաստան»-ՀՅԴ դաշինքը
«Վերածնվող Հայաստան» կուսակցությունը արտահերթ խորհրդարանական ընտրություններին մասնակցելու է Հայ հեղափոխական դաշնակցության հետ նախընտրական դաշինքով։ Դաշինքը գլխավորելու է Հայաստանի Հանրապետության երկրորդ նախագահ Ռոբերտ Քոչարյանը։
Այս մասին հայտնել է կուսակցությունը՝ տարածած հայտարարությամբ, որը ներկայացնում ենք ստորև։
«Հաշվի առնելով Հայաստանում և Արցախում ստեղծված օրհասական վիճակը, ելնելով գաղափարակից և համախոհ քաղաքական ուժերի հետ միասնաբար հանդես գալու անհրաժեշտությունից՝ «Վերածնվող Հայաստան» կուսակցությունը որոշում է կայացրել հնարավոր արտահերթ խորհրդարանական ընտրություններին մասնակցել Հայ հեղափոխական դաշնակցության հետ նախընտրական դաշինքով, որը կգլխավորի Հայաստանի Հանրապետության երկրորդ նախագահ Ռոբերտ Քոչարյանը»:
Լուսանկարը՝ Ռոբերտ Քոչարյանի ֆեյսբուքյան էջից
Մեկնաբանել