Տեսանյութեր
Լուսանկարներ
100 անձնագրային տվյալի դիմաց հեռուստացույց կամ սառնարան
Երեկ Էջմիածնում մի կին մոտեցավ ինձ եւ սկսեց «քաղցր» խոսել: Հետո պարզվեց, որ նա ակտիվ ՕԵԿ-ական է (այդպես ներկայացավ): Նրա ջերմ զրույցն ամենեւին էլ մարդկային պարզ շփում չէր, այլ փորձում էր ինձ համոզել, որ ես «ջահել տղա եմ», «լիքը ընկերներ ունեմ» եւ կարող եմ օգտակար լինել եւ իրեն, եւ կուսակցությանը:
ՕԵԿ-ական ներկայացած կինը խնդրում էր իրեն օգնեմ, որ 100 անձնագրային տվյալ հավաքի, քանի որ դրա դիմաց կուսակցության վերնախավը խոստացել է իրեն կամ գումար տրամադրել, կամ էլ կենցաղային իրեր` սառրանարն կամ հեռուստացույց: Ակտիվիստը հավաստիացնում էր, որ եթե 30 ստորագրություն էլ հավաքեմ, ապա իր գումարից ինձ էլ «բաժին կտա»:
Երբ զրույցի վերջում նրան ցույց տվեցի լրագրողական վկայականը, նա անմիջապես հեռացավ, ասելով` «գլխիս չսարքես, մենք իրար ոչ տեսել ենք, ոչ էլ խոսել»:
ՕԵԿ մամուլի խոսնակ Հարություն Ամիրյանը «Հետքի» հետ զրույցում ասաց, թե ՕԵԿ-ում նման «ակցիաներ» չկան:
«Հնարավոր է՝ դա կազմակերպված բան լինի, հավաստիացնում եմ, որ նման բան չկա»,-ավելացրեց ՕԵԿ մամուլի խոսնակը:
Մեկնաբանություններ (3)
Մեկնաբանել