Խորհրդարանը հերթական նիստում ընտրեց Հաշվեքննիչ պալատի անդամ: Թափուր տեղի համար «Իմ քայլը» խմբակցությունն առաջադրել էր Գեղամ Հովեյանի թեկնածությունը:

Վերջինս 2008-2018 թվականներին աշխատել է Վերահսկիչ պալատում, մինչ այդ` Ֆինանսների և Էկոնոմիկայի նախարարություններում:

ԱԺ հաշվեքննիչ հանժնաժողովի նախագահ Վահագն Հովակիմյանը ներկայացրեց փակ գաղտնի քվեարկության արդյունքները: ԱԺ 132 պատգամավորներից քվեարկությանը մասնակցել 98-ը, մեկ քվեաթերթիկ անվավեր է ճանաչվել, կողմ է քվեարկել՝ 95, դեմ` 2 պատգամավոր:

Նիստը վարող Ալեն Սիմոնյանը շնորհավորեց ՀՊ-ի նորընտիր անդամին: