«Երևանի ավտոբուս» ՓԲԸ-ի ավտոբուսները երթուղի դուրս չեն եկել դիզվառելիքի մատակարարման ուշացումների պատճառով
Դիզելային վառելիքի մատակարարման ուշացումների հետ կապված խնդրի պատճառով, մայիսի 12-ին Երևանի ավտոբուս» ՓԲ ընկերության ավտոբուսները առավոտվանից ի վիճակի չեն եղել սպասարկել հանրությանը։ Այս մասին հայտնում է Երևանի քաղաքապետարանը։
«Այս պահին խնդիրը մասամբ լուծված է։
Երևանի քաղաքապետարանը մատակարար ընկերության հետ քննարկումներում փորձում է հնարավորինս արագ լուծել խնդիրը և վերականգնել տրանսպորտի բնականոն աշխատանքը։
Հայցում ենք Ձեր ներողամտությունը՝ առաջացած անհարմարության համար»,- ասվում է հաղորդագրությունում։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել