Ապրիլի 10-ից 14-ն ընկած ժամանակահատվածում ՀՀ բնապահպանության նախարարության աշխատակազմի բնապահպանական պետական տեսչության իրականացրած ստուգումների և շրջայցերի ընթացքում հայտնաբերված խախտումների, նաև տարածքային բաժինների վարույթին հանձնված գործերի քննության արդյունքում ԲՊՏ-ն կայացրել է 780.0 հազ. դրամ ընդհանուր գումարով վարչական տուգանքի 11 որոշում և հաշվարկել է 415.45 հազ. դրամ ընդհանուր գումարի չափով շրջակա միջավայրին հասցված վնաս: Մասնավորապես.

Բուսական աշխարհի պահպանության ոլորտ

Տավուշի ՏԲ վարույթին հանձնված, ապօրինի ծառահատման գործով 1 ֆիզիկական անձի նկատմամբ հաշվարկվել է 75.0 հազ. դրամի չափով շրջակա միջավայրին հասցված վնաս:

Սյունիքի ՏԲ վարույթին հանձնված, ապօրինի ծառահատման գործով 1 ֆիզիկական անձի նկատմամբ հաշվարկվել է 234.0 հազ. դրամի չափով շրջակա միջավայրին հասցված վնաս:

Լոռու ՏԲ վարույթին հանձնված, ապօրինի ծառահատման գործով 4 ֆիզիկական անձի նկատմամբ կայացվել է 200.0 հազ. դրամ ընդհանուր գումարի վարչական տուգանքի 4 որոշում, և հաշվարկվել է 106.45 հազ. դրամի չափով շրջակա միջավայրին հասցված վնաս:

Հաշվետվությունները սահմանված ժամկետում չներկայացնելու համար

Սյունիքի ՏԲ-ն 2 տնտեսվարողի նկատմամբ կայացրել է 100.0 հազ. դրամ ընդհանուր գումարի վարչական տուգանքի 2 որոշում:

Արմավիրի ՏԲ-ն 2 տնտեսվարողի նկատմամբ կայացրել է 100.0 հազ. դրամ ընդհանուր գումարի վարչական տուգանքի 2 որոշում:

Շիրակի ՏԲ-ն 1 տնտեսվարողի նկատմամբ կայացրել է 80.0 հազ. դրամի վարչական տուգանքի որոշում:

Ապօրինի որս

Արագածոտնի ՏԲ աշխատակիցների հայտնաբերած որսի կանոնների խախտման համար 2 ֆիզիկական անձի նկատմամբ կայացվել է 300.0 հազ. դրամ ընդհանուր գումարի վարչական տուգանքի 2 որոշում:

ՀՀ բնապահպանության նախարարության մամուլի ծառայության հաղորդմամբ՝ նշված ժամանակահատվածում ԲՊՏ կիրառված պատժամիջոցներից ՀՀ պետբյուջե է մուտքագրվել ընդհանուր առմամբ 541.0 հազ. դրամ: