«Շիրինյան-Բաբաջանյան ժողովրդավարների դաշինքի» նախընտրական շտաբի ղեկավար է նշանակվել Քրիստոնեա-ժողովրդավարական կուսակցության փոխնախագահ Հայկ Սուքիասյանը: Այս մասին տեղեկանում ենք դաշինքի ֆեյսբուքյան էջից։

Հիշեցնենք, որ Հանուն Հանրապետության և Քրիստոնեա-ժողովրդավարական կուսակցությունները դաշինք են ձևավորել և միասին են մասնակցելու ընտրություններին:

«Շիրինյան-Բաբաջանյան ժողովրդավարների դաշինքի» ցուցակը կգլխավորի Արման Բաբաջանյանը, երկրորդը Լևոն Շիրինյանն է, իսկ երրորդը՝ փաստաբան Սեդա Սաֆարյանը: