Տեսանյութեր
Լուսանկարներ
Էդվարդ Նալբանդյանն ու Կորնելիա Պիպերին գոհ են Հայաստան-ԵՄ հարաբերություններում արձանագրված առաջընթացից
Ապրիլի 16-ին ՀՀ արտգործնախարար Էդվարդ Նալբանդյանն ընդունեց Գերմանիայի Դաշնային Հանրապետության արտաքին գերատեսչության պետնախարար Կորնելիա Պիպերին:
Է. Նալբանդյանն ընդգծեց, որ վերջին տարիներին Հայաստանի և Գերմանիայի միջև փոխգործակցությունը թե քաղաքական, թե տնտեսական, թե մշակութային ու գիտակրթական բնագավառներում զգալիորեն ընդլայնվել է, և Երևանում գերմաներենի ուսուցման կենտրոնի բացումը նոր ազդակ կհաղորդի երկկողմ հարաբերություններին:
Պետնախարար Պիպերը նշեց, որ հայ-գերմանական հարաբերությունների ներկայիս մակարդակի մասին է վկայում այն փաստը, որ մեկ ամսվա ընթացքում Հայաստան են այցելում Գերմանիայի ԱԳ նախարարը և ԱԳՆ պետքարտուղարը:
Զրուցակիցները հանգամանալից զրույց ունեցան հայ-գերմանական երկկողմ օրակարգի հարցերի մասին, անդրադարձան Հարավային Կովկասում և հարակից տարածաշրջաններում տեղի ունեցող զարգացումներին:
Նախարար Նալբանդյանն ու պետնախարար Պիպերն անդրադարձան Հայաստան-Եվրամիություն հարաբերություններին՝ գոհունակություն հայտնելով այդ ոլորտում արձանագրված առաջընթացի կապակցությամբ:
Բանակացությունների օրակարգում էին մշակութաին և գիտակրթական ոլորտում համագործակցության ընդլայնման ուղիները:
ՀՀ ԱԳՆ մամուլի, տեղեկատվության և հասարակայնության հետ կապի վարչության հաղորդմամբ՝ հյուրի խնդրանքով Էդվարդ Նալբանդյանը ներկայացրեց արցախյան հիմնախնդրի կարգավորման բանակցային գործընթացի վերջին զարգացումները:
Մեկնաբանել