Արցախում Կարմիր խաչի միջազգային առաքելությունը արտակարգ իրավիճակների պետական ծառայությանը (ԱԻՊԾ) նվիրաբերել է սակրավորական-ականազերծման նոր միջոցներ: Այս մասին հաղորդում է ԱԻՊԾ մամուլի ծառայությունը։

Պայթյունավտանգ զինամթերքի վնասազերծման աշխատանքներ իրականացնող թիմին նվիրաբերել անհատական պաշտպանության հանդերձանքի 10 հավաքածու և մեկ մետաղափնտրիչ սարք:

«Հանդերձանքը կպաշտպանի սակրավորներին չպայթած և կյանքի համար վտանգ ներկայացնող ռազմամթերքի որոնողական, ինժեներահետախուզական և ոչնչացման աշխատանքներ իրականացնելիս:

ԿԽՄԿ կողմից այս նվիրաբերությունն արվել է աջակցելու ծառայությանը՝ հումանիտար ականազերծման շրջանակներում:

Գործընկեր կառույցի նվիրաբերությունն ընդունել են ծառայության ՔՊ շտաբի պետ Ֆելիքս Բաղդասարյանը, փրկարար ուժերի վարչության պետ Հրանտ Գասպարյանը»,- ասվում է հաղորդագրությունում: