Կառավարության որոշմամբ՝ կորոնավիրուսի տնտեսական հետևանքների չեզոքացման 1-ին միջոցառման շրջանակում նախատեսված է արտոնյալ պայմաններով վարկերի տրամադրում՝ միտված վարկառուների ներկա իրավիճակով պայմանավորված խնդիրների և ժամանակավոր դժվարությունների լուծմանը: Օժանդակությունն իրականացվում է միջոցառման շրջանակում տրամադրված արտոնյալ վարկերի տոկոսագումարների սուբսիդավորման ձևով։ 2020 թվականի պետական բյուջեով նշված գործընթացների իրականացման համար նախատեսված է 3,3 մլրդ դրամ, որը կանխատեսվել է` հաշվի առնելով, որ միջոցառման շահառուների թիվը կկազմի շուրջ 684։

Ներկայում միջոցառման շահառուների թիվը 918 է, տրամադրված օժանդակության ծավալը` շուրջ 83 մլրդ։ 2021 թվականին անհրաժեշտ սուբսիդավորվող տոկոսագումարը կազմում է 5,38 մլրդ դրամ:

Հաշվի առնելով Կառավարության պահուստային ֆոնդում ֆինանսական միջոցների բացակայությունը՝ Կառավարության մայիսի 27-ի որոշմամբ առաջարկվել է միջոցառմամբ տարեկան չծախսված 377 մլն դրամի չափով նախատեսված գումարն ազատ եկամտի հաշվին հատկացնել կիսամյակում: