Խորհրդարանի պաշտպանության և անվտանգության հարցերի և արտաքին հարաբերությունների մշտական հանձնաժողովներն այսօր` մայիսի 27-ին, 15:00-ին աշխատանքային քննարկում կհրավիրեն, որին ներկա կլինեն արտաքին և պաշտպանական կառույցներից ներկայացուցիչներ: Քննարկումը կլինի դռնփակ: Այս մասին Արտաքին հարաբերությունների մշտական հանձնաժողովի նիստում ասաց հանձնաժողովի նախագահ Ռուբեն Ռուբինյանը:

Նիստի օրակարգում մեկ հարց է՝ անկախ պատգամավորների կողմից ներկայացված` Ադրբեջանի Հանրապետության կողմից Արցախի Հանրապետության բռնազավթված տարածքների դեօկուպացիայի եւ արցախյան հիմնախնդրի կարգավորման վերաբերյալ hայտարարությունն ընդունելը:

Ռուբինյանն առաջարկեց այս հարցը ևս դռնփակ քննարկել, հանձնաժողովականները համաձայնեցին: