ԱԱԾ փոխտնօրեն. «Բանակցություններ, միայն բանակցություններ, ուժային գործարք չի լինելու»
Ազգային անվտանգության ծառայության տնօրենի տեղակալ Արամ Հակոբյանը վստահեցնում է, որ հայկական կողմն անում է ամեն ինչ Ադրբեջանում հայտնված գերիներին Հայաստան վերադարձնելու համար:
Այս մասին խորհրդարանում լրագրողների հետ զրույցում ասաց Հակոբյանը:
«Բանակցություններ, միայն բանակցություններ, ուժային գործարք չի լինելու, բանակցություների արդյունքում պետք է փորձենք մեր եղած գերիներին վերադարձնենք»,- ասաց նա:
Նրա խոսքով` այժմ սահմանային իրավիճակը նույնն է, բանակցություններ են ընթանում, որ ադրբեջանական զորամիավորումները հետ քաշվեն ՀՀ սահմաններից:
Ինչ վերաբերում է այն հարցին, որ մայիսի 19-ից եռակողմ բանակցությունները դադարել են, այդ դեպքում ինչպե՞ս եք վարում բանակցություններ գերիների հետ կապված, Հակոբյանն ասաց.
«Եթե գործնականում դադարեցվել է, բայց կապով իրար հետ աշխատում են»:
Դիտարկմանը, որ ԱԳ արդեն նախկին նախարար Արա Այվազյանն իր հրաժարականի տեքստում ասում էր, որ չի կարող համաձայնություն տալ ինչ-որ գաղափարների, նախաձեռնությունների, որոնք պետականության, ազգային և պետական շահի դեմ են, արդյոք այս հայտարարությունից հետո ԱԱԾ-ն մտահոգվելու առիթ չունի, Հակոբյանն արձագանքեց, թե չի կարող մեկնաբանել նախկին նախարարի խոսքերը, սակայն ընդգծեց` մտահոգվելու որևէ առիթ չկա:
Մեկնաբանել