![](/static/articles/13/16/06/l-4TYGqkN167.jpg)
Ռուսաստանն ավելացնում է դեպի Հայաստան ավիաթռիչքների թիվը
Ռուսաստանի Դաշնությունը նախատեսում է հունիսի 10-ից ավելացնել դեպի Հայաստան իրականացվող ավիաթռիչքների թիվը։ Այդ մասին հայտնում է TACC գործակալությունը։ Դեպի Հայաստան ավիաթռիչքների թիվը կավելանա 1-ով՝ Մոսկվա-Երևան ուղղությամբ։ Հայաստանից զատ, ռուսական կողմը նախատեսում է ավիաթռիչքների թիվն ավելացնել նաև դեպի Բելառուս, Հունաստան, Ադրբեջան, Քաթար, Ուզբեկստան, Տաջիկստան, Եգիպտոս և Սերբիա ուղղություններով։
Ռուսաստանը հունիսի 1-ից չի վերականգնի ավիահաղորդակցությունը Թուրքիայի հետ։ Դեպի Թուրքիա և Տանզանիա թռիչքների սահմանափակումները երկարաձգվել են մինչև հունիսի 21-ը։ Ընդորում, ռուսական իշխանությունները որոշել են հունիսի 2-ից վերականգնել ավիահաղորդակցությունը Մեծ Բրիտանիայի հետ, որն ընդհատվել էր 2020 թվականի դեկտեմբերին։
Զուգահեռաբար, հունիսի 10-ից Ռուսաստանը կվերականգնի ավիահաղորդակցությունը նաև Ավստրիայի, Հունգարիայի, Լիբանանի, Լյուքսեմբուրգի, Մավրիկիոսի, Մարոկկոյի, Ալբանիայի և Խորվաթիայի հետ։
Լուսանկարը՝ Максим Блинов / РИА Новости
Մեկնաբանել