Տեսանյութեր
Լուսանկարներ
ԱԳ որևէ փոխնախարար չմասնակցեց ԱԺ-ում պետբյուջեի կատարողականի քննարկմանը
Արտաքին գործերի չորս փոխնախարարներից որևէ մեկն այդպես էլ չեկավ խորհրդարան` 2020 թվականի պետական բյուջեի կատարողականի քննարկմանը: ԱԳՆ-ից ներկա էր ֆինանսաբյուջետային վարչության պետ Արմինե Գալստյանը: Երբ պատգամավորները հետաքրքրվեցին, թե ինչու որևէ փոխնախարար չի ներկայացել, Արտաքին հարաբերությունների հանձնաժողովի նախագահ Ռուբեն Ռուբինյանն արձագանքեց` զբաղվածության պատճառով:
«ԱԳՆ-ից նամակ են հղել ԱԺ նախագահին և խնդրել, որ զբաղվածությամբ պայմանավորված` ֆինանսաբյուջետայինի պետը գա, ինչին էլ ընդառաջել ենք»,-ասաց Ռուբինյանը:
Լրագրողների հետ զրույցում Ռուբինյանը հրաժարվեց մանրամասն անդրադառնալ այդ հարցին: Հիշեցնենք, որ այսօր մամուլում հրապարակումներ եղան, թե ԱԳ փոխնախարարները հրաժարականի դիմում են ներկայացրել, ինչը, սակայն, ԱԳՆ-ից հերքեցին:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել