«Ազատ Հայրենիք» դաշինքը այսօր՝ հունիսի 9-ին, քարոզարշավ է անցկացրել Կոտայքի մարզի Աբովյան, Հրազդան և Չարենցավան քաղաքներում։ Այս մասին հաղորդում է դաշինքի մամուլի ծառայությունը։

«Դաշինքի թեկնածուները և աջակիցները երթով անցել են քաղաքների մարդաշատ վայրերով, կոչ արել ճիշտ ընտրություն կատարել հունիսի 20-ին՝ քվեարկել «Ազատ Հայրենիք» դաշինքի օգտին։ Քաղաքացիները դիմեցին դաշինքի ղեկավարներին իրենց առավել հուզող հարցերով, առավել հաճախ՝ Հայաստանի անվտանգության վերականգնման և Արցախի հետագա ճակատագրի վերաբերյալ։

Հանգամանորեն ներկայացվեցին «Ազատ Հայրենիքի» մոտեցումները, մասնավորապես՝ միակողմանի արտաքին կողմնորոշման հաղթահարումը, ռազմական պոտենցիալի վերականգնումը և Արցախի անկախության միջազգային ճանաչումը»,- ասվում է դաշինքի տարածած հաղորդագրությունում։