ՀՀ ԿԳ նախարար Ա. Աշոտյանի' Երևանի Վ. Բրյուսովի անվան պետական լեզվաբանական համալսարանի ռեկտոր Ս. Զոլյանի լիազորությունները դադարեցնելու այսօրվա հրամանին ԵՊԼՀ ռեկտորը պատասխան գրություն է ուղարկել: Ս. Զոլյանը նշում է, որ շարունակում է պաշտոնավարել որպես ԵՊԼՀ ռեկտոր' հորդորելով ԿԳ նախարարին ուշադիր կարդալ ՀՀ օրենսդրությունը:

ԵՊԼՀ ռեկտորատը տեղեկացնում է, Ս. Զոլյանը ս.թ. ապրիլի 18-ից մինչև ապրիլի 20-ը ներառյալ կմասնակցի Գերմանիայի Դաշնային Հանրապետությունում կայանալիք «Բազմալեզվությունը հասարակությունում, աշխատաշուկան և քաղաքականությունը: Դասավանդման նոր մարտահրավերները բարձրագույն ուսումնականհաստատություններում» խորագրով գիտաժողովին և հանդես կգա «Հայաստանում լեզվաբանական կրթության հեռանկարները» զեկույցով:

Հակադարձելով սոցիալական ցանցերում և լրատվամիջոցներում տարածված տեղեկություններին, որ ԵՊԼՀ-ում վաղը դասադուլ է իրականացվելու, ռեկտորատը տեղեկացնում է, որ ապրիլի 18-ին Վ. Բրյուսովի անվան պետական լեզվաբանական համալսարանում ուսումնական պրոցեսը ընթանալու է անխափան և բնականոն կերպով: