Արդեն տեւական ժամանակ է՝ Մեծամորի անձնագրային բաժինը քաղաքացիներին նոր անձնագրեր չի տրամադրում: Երբ վերջիններս դիմում են անձնագրային բաժին, նրանց մերժում են՝ ասելով, թե անձնագրերի հետ կապված ոչ մի գործողություն մինչեւ ընտրությունները չեն անելու:

Մայիսյան գյուղից մի երիտասարդ արդեն մի քանի օր է դռնեդուռ ընկած ուզում է անձնագիր հանել, որ մեկնի Հայաստանից, սակայն նրան անընդհատ մերժում են, ասելով` «սպասեք մինչեւ ընտրությունները»:

Մեծամորի անձնագրային բաժնի պետ Գոռ Գասպարյանը «Հետքի» հետ զրույցում չհերքեց, որ նոր անձնագիր տրամադրելու հետ կապված խնդիրներ կան: Ըստ նրա` դա ոչ թե ընտրությունների հետ է կապված, այլ նոր սարքավորումների, որոնք տեղադրվում են միաժամանակ գործող անձնագրերը եւ օրենքով նախատեսված նույնականացման քարտերի տպագրության համար:

Թե քանի օր այս վիճակը կշարունակվի, անհայտ է: Մինչդեռ բոլորն էլ վստահ են, որ անձնագրային «դեֆիցիտը» ուղիղ կապ ունի ընտրությունների հետ: