Այսօր արտահերթ խորհրդարանական ընտրություններ են։ Հատկապես տարիքով մեծ ընտրողների համար խորթ է քվեարկության նոր կարգը. ընտրողները գրիչ էին փնտրում քվեախցում։

Էջմիածնի թիվ 14/16 ընտրատեղամասում տարեց մի կին, քաղաքացու օգնությամբ կատարեց ընտրությունը։ Սակայն կինը դժգոհեց, որ գրիչ տեղադրված չէր.

«Բայց ես կարմիր խաչ պիտի դնեի»,- դժգոհեց ընտրողը։

Նշենք, որ ընտրատեղամասը գտնվում է մանկապարտեզի երկրորդ հարկում և հարմարեցված չէ հաշմանդամություն ունեցող անձանց համար։ Տարեցները ևս դժվարությամբ են աստիճաններով բարձրանում։

Ժամը 09:45-ի` դրությամբ 1939 ընտրողից քվեարկությանը մասնակցել էր 103-ը կամ 5,3%-ը։