HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Տաթև Խաչատրյան

«Ու՞մ ընտրեմ, Գոռ». քաղաքացին դիմեց հանձաժողովի նախագահին

Էջմիածնի 14/14 ընտրական տեղամասում 16:30 դրությամբ՝ քվեարկել է ընտրելու իրավունք ունեցող քաղաքացիների 32%-ը՝ 631 հոգի, որից 13 հոգին քվեարկել է օգնողի միջնորդությամբ։

Մեր այցելության ժամանակ ընտրատեղամաս եկավ մի տարեց կին, ով չէր հասկանում՝ ում և ինչպես քվեարկել, Հանձնաժողովի նախագահ Գոռ Աբգարյանը փորձեց պարզաբանել և օգնել նրան՝ մոտենալով քվեատուփի մոտ։

Ապա երեխաների հետ եկավ հավանաբար նախագահի ծանոթներից մեկը, ով քվեախցիկում արդեն հարցրեց. 

-Ու՞մ ընտրեմ, Գո'ռ։

-Ում կուզես,-պատասխանեց հանձաժողովի նախագահը. քաղաքացին նրան աչքով արեց։

Տեղամասում ներկա էին 4 քաղաքական ուժի վստահված անձինք՝ «Հայաստան», «Պատիվ ունեմ» դաշինքներից, «Քաղաքացիական պայմանագիր» և «Հայաստանի դեմոկրատական» կուսակցություններից։ Ընտրատեղամաս են այցելել նաև տեղական դիտորդներ՝ «Ընտրությունը քոնն է» կազմակերպությունից։

Հիշեցնենք, որ այսօր Հայաստանում արտահերթ խորհրդարանական ընտրություններ են ընթանում, որին մասնակցում է 25 քաղաքական ուժ:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter