ԱՊՀ և միջազգային դիտորդներից ահազանգեր չեն ստացվել
Ազգային ժողովի ընտրությունների օրը՝ ժամը 08։00-16։00-ի դրությամբ, ոստիկանության Թեժ գծով ստացվել է 60 ահազանգ, իսկ ԱՊՀ և միջազգային դիտորդներից ահազանգեր չեն ստացվել: Այս մասին հաղորդում է ոստիկանության լրատվական ծառայությունը։
Ահազանգերը վերաբերել են` 2-ը՝ ընտրակաշառքին, 3-ը՝ քվեարկությանն ուղղորդելուն, 32-ը՝ ընտրատեղամասերում տեխնիկական բնույթի խնդիրներին, 23-ը՝ տեղեկատվական բնույթի հաղորդումներին: Հինգ դեպքերը հաղորդվել են ոստիկանության համապատասխան ստորաբաժանումներ՝ քրեական դատավարության օրենսգրքի 180-րդ և 181-րդ հոդվածներով սահմանված կարգով ընթացքը լուծելու համար, իսկ տեխնիկական բնույթի՝ 32, և տեղեկատվական բնույթի՝ 23 հաղորդումներն ուղղորդվել են տարածքային մարմիններ, Կենտրանական ընտրական հանձնաժողով և Անձնագրային և վիզաների վարչություն ուսումնասիրություններ կատարելու և պարզաբանում տալու նպատակով:
Մեկնաբանել