Արաբկիր վարչական շրջանի 4/6 ընտրատեղամասում գրանցված է 1897 ընտրող, որից մոտ 900-ը արդեն կատարել է իր ընտրությունը ժամը 19։00-ի դրությամբ։

Մեզ հետ զրույցում հանձնաժողովի նախագահ Սուրեն Իսրայելյանը նշեց, որ ընտրատեղամասում ներկա է երկուական վստահված անձ «Հայաստան» դաշինքից ու «Քաղաքացիական պայմանագիր» կուսակցությունից, մեկական՝ Հայ ազգային կոնգրեսից, «Պատիվ ունեմ» դաշինքից ու «Ազգային-Ժողովրդական բևեռ» կուսակցությունից։

Հանձնաժողովի նախագահը նշեց, որ միջադեպեր չեն գրանցվել, սակայն արձանագրվել է, որ ընտրատեղամասում եղել է մեկ դիտորդ «Ընտրությունը քոնն է» կազմակերպությունից, որն ուներ վկայական, բայց իր անունը չկար հավատարմագրված դիտորդների ցուցակում։