«Երևանի Վ. Բրյուսովի անվան պետական լեզվաբանական համալսարանի շրջանավարտների միավորում» հասարակական կազմակերպությունը հայտարարում է, որ ոչ մի առնչություն չունի մամուլում տարածված` ՀՀ կրթության և գիտության նախարար Արմեն Աշոտյանի հրաժարականի  պահանջի մասին  հաղորդագրության հետ:

Նմանատիպ բոլոր հայտարարությունները, որոնք փորձ կարվի կապել մեր միավորման հետ, կդիտարկվեն որպես սադրանք:  

«Երևանի Վ. Բրյուսովի անվան պետական լեզվաբանական համալսարանի շրջանավարտների միավորում» ՀԿ-ն հայտարարում է, որ ոչ մի որոշում ԵՊԼՀ ռեկտոր Սուրեն Զոլյանի և ՀՀ կրթության և գիտության նախարար Արմեն Աշոտյանի միջև կոնֆլիկտի վերաբերյալ  չի  կայացվել:

Միավորման վարչությունը ս.թ. ապրիլի 16-ին կայացած քննարկման ժամանակ    իր մտահոգությունն  է  արտահայտել ստեղծված իրավիճակի վերաբերյալ   և   նշել, որ այն չի կարող չանդրադառնալ համալսարանի ուսումնական գործընթացի և ընդհանուր բարոյահոգեբանական մթնոլորտի վրա:

Նմանօրինակ ինքնակոչ հայտարարությունները, որոնք քողարկվում են մեր կազմակերպության անվան տակ,  նպատակ ունեն  սրելու իրավիճակը  հօգուտ տարբեր քաղաքական խաղարկումների:

18.04.2012 թ.