Տեսանյութեր
Լուսանկարներ
Արցախում պահանջում են նախագահ Արայիկ Հարությունյանի հրաժարականը
Այսօր Ստեփանակերտի Վերածննդի հրապարակում ժամը 19:00-ից մեկնարկել է քաղաքացիների ինքնաբուխ հավաք, որը րոպեների ընթացքում վերաճել է բազմահազարանոց ցույցի: «Ապառաժ» կայքի տեղեկացմամբ, Արցախի քաղաքացիները պահանջում են Արայիկ Հարությունյանի հրաժարականը:
Հավաքը, որի մասին հայտարարվել էր ֆեյսբուք տիրույթում, նախաձեռնվել է, երբ Արայիկ Հարությունյանը շնորհավորել է Նիկոլ Փաշինյանին՝ ՀՀ ԱԺ ընտրություններում տարած հաղթանակի կապակցությամբ:
Հավաքի մասնակիցները պահանջել են, որ Արայիկ Հարությունյանը դուրս գա և անձամբ պատասխան տա:
Քանի որ Ա. Հարությունյանը գտնվում է Երևանում, պետնախարար Արտակ Բեգլարյանը հաղորդեց, որ Ա. Հարությունյանը պատրաստ է վաղը անձամբ հանդիպել ցուցարարներին:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել