Կյանքում տեղի ունեցող ամեն մի փոփոխություն, նորույթ իր անդրադարձն է ունենում լեզվում։ Լեզվի կոմիտեի հաղորդագրության համաձայն՝ այդպես ծնվում են բառերը, որոնք համալրում են լեզվի բառային կազմը։ Նորաստեղծ բառերին շունչ տալու համար անհրաժեշտ է դրանք գործածել, շրջանառել։ 

Բանավոր ու գրավոր խոսքում (հատկապես մասնագիտական) շարունակ կիրառելով հայերենում վաղուց եղած բառերն ու եզրույթները՝ մենք նպաստում ենք հայոց լեզվի հարատևությանը։ 

Լեզվի կոմիտեն ներկայացնում է օտար բառեր, որոնց հայերեն համարժեքները կան, և անհրաժեշտ է հետևողականորեն գործածել դրանք։

1. աուդիենցիա – 1. լսում, ունկնդրում, ստուգալսում, 2. փխբ․ ընդունելություն
2. ապատիա – անտարբերություն
3. գեներացիա – արտադրում, վերարտադրում
4. դեօկուպացիա – ապազավթում  
5. դիկտատոր – բռնակալ, բռնապետ 
6. դիսկրիպտիվ – նկարագրական
7. դիստիլյացիա – թորում, զտում
8. դիսփլեյ – ցուցադրիչ 
9. էքսհումացիա – արտաշիրիմում 
10. էքստրավերտ – շփվող, հաղորդասեր, մարդամոտ
11. թրեյնինգ – 1․ ուսուցում, վարժեցում, 2․ վարժանք, դասընթաց 
12. ինդուստրիա – արդյունաբերություն 
13. իներտ – 1․ անտարբեր, 2․անշարժ, 3․ չեզոք
14. լոկալիզացիա – տեղայնացում
15. կոլաբորացիա – համագործակցություն, գործակցություն, աշխատակցություն 
16. կոնսպիրատիվ – գաղտնի
17. մենտոր – դաստիարակ, ուսուցիչ, խորհրդատու, հովանավոր
18. նոմինալ – անվանական
19. պերսպեկտիվ(ա) – հեռանկար  
20. պլանետարիում – աստղացուցարան
21. պրոտեժե – հովանավորյալ  
22. պրոտեկցիա – հովանավորություն, պաշտպանություն
23. սելեկտիվ – ընտրովի, ընտրանքային, ընտրողական
24. սուբորդինացիա – ենթակայություն, ստորադասություն, ստորակարգություն
25. ստագնացիա – լճացում 
26. ստաժ(յ)որ – փորձնակ 
27. սքոլըրշիփ – կրթաթոշակ 
28. վակցինացիա – պատվաստում 
29. վերիֆիկացիա – 1. ստուգում, 2․ հաստատում, վավերացում
30. տաբու – 1․ արգելք, արգելանք, 2․արգելադրում, 3․ արգելաբառ