Ապրիլի 18-ին ահազանգ է ստացվել, որ Երևան քաղաքի Արագած փողոցի թիվ 1 տանը տեղի է ունեցել պայթյուն՝ հրդեհի բռնկումով:

Դեպքի վայր են մեկնել 3 մարտական հաշվարկ և Ճգնաժամային կառավարման կենտրոնի օպերատիվ խումբը: Պարզվել է, որ դեռևս չբացահայտված հանգամանքներում տեղի է ունեցել յուղի թորման սարքի պայթյուն:

Հրդեհը մեկուսացվել և մարվել է: Արտակարգ իրավիճակների նախարարության տեղեկացմամբ՝ Ա.Սմբատյանին պատկանող տանը կից այրվել է արհեստագործական շինություն (90 ք.մ) գույքով: