Հունիսի 30-ին, ժամը 18։52-ին Արարատի մարզային ճգնաժամային կառավարման կենտրոն ահազանգ է ստացվել, որ Խոսրովի պետական արգելոցի «Ջղնգյոլ» կոչվող հատվածում հրդեհ է բռնկվել։

Շրջակա միջավայրի նախարարությունը տեղեկացնում է, որ հրդեհի օջախը մեկուսացվել է․ տարածման վտանգ այս պահին չկա։

Հրդեհաշիջման աշխատանքներին մասնակցել են 81 փրկարար և «Խոսրովի անտառ» պետական արգելոց» ՊՈԱԿ-ի 40 աշխատակից։ Այրվել է մոտ 7000 քմ խոտածածկույթ, տորֆաշերտ և գիհու ծառեր: