Նախագահ Սերժ Սարգսյանն այսօր ընդունել է Ատոմային էներգիայի միջազգային գործակալության (ԱԷՄԳ) գլխավոր տնօրեն Յուկիյա Ամանոյին:

Ողջունելով հյուրին՝ Սերժ Սարգսյանն ընդգծել է, որ ատոմային էներգիան Հայաստանի համար ունի կենսական նշանակություն, և մեր երկիրը մեծապես կարևորում է Ատոմային էներգիայի միջազգային գործակալության հետ համագործակցությունը՝ այն համարելով Հայաստանի էներգետիկ և միջուկային անվտանգության կարևոր բաղկացուցիչ:

Յուկիյա Ամանոն նշել է, որ ԱԷՄԳ-ն և Հայաստանը ունեն միասնական նպատակ, որն է գործող կայանի անվտանգության միջոցառումների շարունակական ամրապնդումը և նոր կայանի կառուցման շուրջ սերտ համագործակցությունը: