«Նաիրի» բժշկական կենտրոնում ֆրանսահայ բժիշկ Գևորգ Աբգարյանի նախաձեռնությամբ հիմնադրվել է քիմիոթերապիայի բաժանմունք՝ նվիրված իր տիկնոջ՝ Թամարա Աբգարյանի հիշատակին:

Բաժանմունքը կծավալի իր գործունեությունը Փարիզի Օպիտա Պրիվե և Օպիտա Բոժոն հիվանդանոցների հայտնի ֆրանսիացի ուռուցքաբանների մասնակցությամբ: Կկատարվեն խորհրդատվություններ այնպիսի հայտնի ֆրանսիացի մասնագետների հետ, ինչպիսիք են պրոֆեսոր Համելը, պրոֆեսոր Բոազիզը, պրոֆեսոր Շալմենը և այլոք:

Հիվանդները տվյալներ կփոխանակի ֆրանսիացի գործընկերների հետ և դրանք կվերահսկի ինտերնետային կապի միջոցով:

«Այսպիսով, ծրագիրը կստեղծի մեծ հնարավորություն Հայաստանում եվրոպական չափորոշիչներին համապատասխան քիմիաթերապիա կատարելու՝ ֆրանսիական պրոտոկոլներով: Բաժանմունքում կկիրառվեն այնպիսի նորագույն ծառայություններ, ինչպիսիք են ցավի կառավարումը, հոգեբանական խորհրդատվությունը, ճիշտ սնվելու և ապրելակերպի խորհրդատվությունը: Կօգտագործվեն նորագույն պարագաներ՝ բարձրորակ քիմիաթերապիա կատարելու նպատակով»,- հայտնում է ՀՀ առողջապահության նախարարությունը: