Զոհված և անհետ կորած համարվող զինծառայողների աճյունների որոնումներն այսօր՝ հուլիսի 8-ին փրկարարական մեկ ջոկատով իրականացվել են Վարանդայի (Ֆիզուլի) և Ջրականի (Ջաբրայիլ) ուղղություններում:

Ջրականի երկու տարբեր տեղանքներից հայտնաբերվել եւ տարհանվել են ևս 2՝ նախնական տվյալներով ռազմական գործողությունների մասնակիցների աճյուններ: Նրանց ինքնությունը կհաստատվի դատաբժշկական փորձաքննությունից հետո:

Զինադադարից հետո մինչ օրս Արցախի օկուպացված տարածքներից տարհանվել է 1598 աճյուն: