Տեսանյութեր
Լուսանկարներ
Լեզվի կոմիտեն խնդրահարույց է համարում պարեկային ծառայության օտարալեզու գրությունները
ԿԳՄՍ նախարարության լեզվի կոմիտեն անդրադարձել է պարեկային ծառայության ավտոմեքենաների և համազգեստի վրա առկա օտարալեզու գրություններին։ Լեզվի կոմիտեի տարածած հաղորդագրությունում մասնավորապես ասվում է հետևյալը․
«Հայաստանի Հանրապետության պետական լեզուն հայերենն է։ Օրենքի և իրավունքի ուժով գերակա է պետական լեզուն։
Պարեկային ծառայության ավտոմեքենաների և պարեկների համազգեստի վրա զետեղված տեղեկույթում գերակայում է օտար լեզուն, որը չի բխում Հայաստանի Հանրապետության Սահմանադրության 20-րդ հոդվածից և «Լեզվի մասին» Հայաստանի Հանրապետության օրենքից։
Հայաստանի Հանրապետության լեզվի կոմիտեն օրենքով իրեն վերապահված լիազորությունների շրջանակում ձեռնարկում է անհրաժեշտ միջոցներ խնդրին առնչվող հանգամանքները պարզելու և օրենքով նախատեսված ընթացակարգն ապահովելու համար։
Լեզվի կոմիտեն բարձր է գնահատում պետական լեզվի նկատմամբ հանրության նախանձախնդրությունը, որը կոմիտեի ամենօրյա աշխատանքի՝ հայերենի գերակայությունն ապահովելու լրացուցիչ խթան է»։
Լուսանկարը՝ կառավարության մամուլի ծառայության
Մեկնաբանություններ (2)
Մեկնաբանել