Հայ ազգային կոնգրեսի Նոյեմբերյանի տարածքային կառույցի պատասխանատու Սուրեն Մամյանը տեղեկացրել է, որ իրենց հաջողվել է այս շրջանում մի շարք ընտրախախտումներ վերացնել:

Մասնավորապես, Մամյանի փոխանցմամբ, իրենք հայտնաբերել են բազմաթիվ դեպքեր, երբ գյուղապետարանների շենքերի վրա փակցված են եղել ՀՀԿ-ի նախընտրական պաստառներ: Մամյանը նշեց, որ իրենց հաջողվել է ԿԸՀ-ի միջոցով հասնել նրան, որ ՀՀԿ պաստառները հանվեն գյուղապետարանների շենքերից: Մամյանը նաեւ նշեց, որ այս ընթացքում իրենք երկուական անգամ այցելել են շրջակա բոլոր գյուղերը եւ չայած առկա վախի մթնոլորտին՝ ժողովրդի շրջանում ակնհայտ դժգոհություն կա իշխանությունների հանդեպ: